પરબીડિયામાં
તમે પાઠવ્યો સૂર્ય….
નવો નક્કોર….
અસલ કેસર ઝબકોળ્યો !
અમે હરખનાં આંસુ મહીં ઘૂંટીને ઘોળ્યો.
કરી લલાટે તિલક, જહીં દીઠું દર્પણમાં,
ગયો ઓગળી-વહી સનેહી ! તવ સમરણમાં !….
રે !
કેટકેટલા સૂરજ, આજલગણ, દૈ તાલી
ગયા ઓગળી આમ, પછી પરબીડિયાં ખાલી !
અને-
વળી આ-
તમે પાઠવ્યો સૂર્ય….
ભલે તો-આજ, અમેયે
એ જ પરબીડિયામાં
ભરી ચાંદ પાઠવશું કોડે
સૂરજ થૈ જે મળશે તમને-
-કોક પરોઢે !
( વિનોદ અધ્વર્યુ )
પરબીડિયામાં
તમે પાઠવ્યો સૂર્ય….
નવો નક્કોર….
Sundar….Thanks for sharing.
પરબીડિયામાં
તમે પાઠવ્યો સૂર્ય….
નવો નક્કોર….
Sundar….Thanks for sharing.