સૂરજ-વિનોદ અધ્વર્યુ

 પરબીડિયામાં

        તમે પાઠવ્યો સૂર્ય….

        નવો નક્કોર….

        અસલ કેસર ઝબકોળ્યો !

        અમે હરખનાં આંસુ મહીં ઘૂંટીને ઘોળ્યો.

        કરી લલાટે તિલક, જહીં દીઠું દર્પણમાં,

        ગયો ઓગળી-વહી સનેહી ! તવ સમરણમાં !….

રે !

        કેટકેટલા સૂરજ, આજલગણ, દૈ તાલી

        ગયા ઓગળી આમ, પછી પરબીડિયાં ખાલી !

અને-

        વળી આ-

        તમે પાઠવ્યો સૂર્ય….

        ભલે તો-આજ, અમેયે

        એ જ પરબીડિયામાં

        ભરી ચાંદ પાઠવશું કોડે

        સૂરજ થૈ જે મળશે તમને-

                                  -કોક પરોઢે !

( વિનોદ અધ્વર્યુ )

Share this

2 replies on “સૂરજ-વિનોદ અધ્વર્યુ”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.