મૈત્રીની મહેંક-હિના પારેખ “મનમૌજી”

પાશ્ચાત્ય સંસ્ક્રુતિના અનુકરણથી આપણાં ઉત્સવોના લિસ્ટમાં થોડા વધુ ઉત્સવો ઉમેરાયા છે. ભલે એ વિદેશી સંસ્ક્રુતિનું અનુકરણ છે……છતાં મૂલ્યવાન છે. ઓગષ્ટ મહિનાનો પ્રથમ રવિવાર એટલે ફેન્ડશીપ ડે. દોસ્તોને મન દિવાળી સમાન ઉત્સવ. ખરેખર લાગણીઓની લગામને છુટ્ટો દોર આપવા આવો દિવસ મળે તો ધન્ય થઈ જવાય. અલબત્ત મોંઘી પ્રેઝન્ટ કે કાર્ડસની આપ-લેના બદલે લાગણીની-સ્નેહની-વિશ્વાસની આપ-લે થાય તે ઘણું જરૂરી છે.

પોતાની જાતને ખૂબ જ કૂનેહબાજ સમજતાં આપણે મિત્રની પણ સ્વાર્થના-ગરજના ત્રાજવે તોલતાં રહીએ છીએ. લીધું-દીધુંની ગણતરી વચ્ચે સતત મિત્રને પણ માપતા રહીએ છીએ. પણ દોસ્તો, કેટલાક સંબંધોને માપવાના નહીં પામવાના હોય છે.

મિત્રતા કરવી સહેલી છે, મિત્રતા તોડવી એનાથી પણ સહેલી છે, પણ મિત્રતા નિભાવવી ખૂબ જ કઠિન છે. મિત્રતા નિભાવવામાં ક્યારેક ઘણું ગમતું-અણગમતું છોડવું પડતું હોય છે. અનેક તકલીફોનો સામનો પણ કરવો પડતો હોય છે. દરેક પ્રતિકૂળ પરિસ્થિતિમાં ધૈર્ય ધારણ કરવું આવશ્યક છે. તમારો શ્રધ્ધારૂપી સઢ જો મજબૂત હશે અને તમારી પાસે સ્નેહરૂપી હલેસું હશે તો ગમેતેવી વિપત્તિને તમે પાર કરી જ જશો. તમારા મજબૂત મનોબળ સમક્ષ શંકા,સ્વાર્થ, નફરત …..કંઈ જ ટકી નહીં શકે. અને એક સમજણભરી-સ્વસ્થ મિત્રતાને નિભાવવામાં-ટકાવવામાં-કાયમ કરવામાં તમે સફળ નિવડશો.

મૈત્રી એ પવિત્ર મંદિર છે. તેમાં પવિત્ર વિચારો મૂકો અને તેમાંથી પવિત્ર વિચારો મેળવો. આજના દિવસે વધુ કંઈ જ ન થઈ શકે તો…શાંત, એકાંત ઓરડામાં બેસી મિત્ર સાથેના સંસ્મરણોની સહેલગાહ માણો. આ પણ એક પ્રકારનું ધ્યાન જ છે.

તમામ મિત્રોને ફેન્ડશીપ ડે નિમિત્તે હાર્દિક શુભેચ્છાઓ…

હિના પારેખ મનમૌજી

( પારિજાત” – ઓગષ્ટ ૧૯૯૯ના અંકમાં પ્રકાશિત )

 Copyright©HeenaParekh

Share this

6 replies on “મૈત્રીની મહેંક-હિના પારેખ “મનમૌજી””

  1. tamari bhasha saelee khub sharas cche roja vachu cchu pana javab aaje aapi skyochhu tame shaheety sahgrh khub kriyo pan tamaru mooleeak kaeek janavoto maja aavshee aapno….ashvin raval junagadh

  2. tamari bhasha saelee khub sharas cche roja vachu cchu pana javab aaje aapi skyochhu tame shaheety sahgrh khub kriyo pan tamaru mooleeak kaeek janavoto maja aavshee aapno….ashvin raval junagadh

  3. Maitri ni mahek vanchi ne maja aavi. Very nice writing. Site par na tara sahitya thi man prafullit thai gayu. Keep it up and all the best.

  4. Maitri ni mahek vanchi ne maja aavi. Very nice writing. Site par na tara sahitya thi man prafullit thai gayu. Keep it up and all the best.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.