કોણ છે?

બંધ દરવાજાની ભીતર કોણ છે?

હું જો બહાર છું તો અંદર કોણ છે?


લાવ ચાખી જોઈએ ખારાશને

તું નદી છે તો સમંદર કોણ છે?


કે સમયની રેત પર લિપિ લખી

આ પવન પૂછે નિરક્ષર કોણ છે?


કોઈએ કંડારેલા પથ્થરને હું

રોજ પૂછું છું કે ઈશ્વર કોણ છે?


કોણ વરસાવે છે પ્રશ્નોની ઝડી

ને રહે છે જે અનુત્તર, કોણ છે?


( હનિફ સાહિલ )

2 thoughts on “કોણ છે?

  1. wah shun kavita lakhi chhe ,koi ni paase eno
    uutar nathi ,under dubki mariye to kabar pade ,
    parantu aa kaliyug ma nathi lagtu ke koine
    kahabar pade
    comment by:
    chandra.

Leave a Reply

Your email address will not be published. Required fields are marked *