બોલકાં બે નેણના સન્દર્ભમાં
એક મૂંગા વેણના સન્દર્ભમાં
મૂંઝવે છે પ્રશ્ન કોરા કાગળે
વ્હાલના એ વ્હેણના સન્દર્ભમાં
ફૂલ વિના તો બીજું બીડું શું?
મ્હેક ભીના કહેણના સન્દર્ભમાં
એક એના નામનું આકાશ છે
આ અહર ને રેણના સન્દર્ભમાં
ચૂપકીદી જાળવી રાખી હજી
લેણના ને દેણના સન્દર્ભમાં
કેટલું લાગે સરસ ‘પંથી’ જગત
આપણી તરફેણના સન્દર્ભમાં
( પંથી પાલનપુરી )
Palanpuri’s Rachana is very nice !
sundar kaavya.