ધીરે ધીરે – દિનકર સોની

પ્રણયની શરૂઆત થઈ ધીરે ધીરે;

સ્વપ્નમાં મુલાકાત થઈ ધીરે ધીરે.

સમય પણ ટેરવે સરકી રહ્યો છે;

વાતમાંથી વાત થઈ ધીરે ધીરે.

સાંજની લાલાશ ઓગળતી રહી છે.;

ને સુહાની રાત થઈ ધીરે ધીરે.

ભીંત પર પડછાયો ફેલાયા કરે છે;

અશ્રુની સોગાત થઈ ધીરે ધીરે.

જિંદગી દાવ પર લાગી ગઈ છે;

હર કદમ પર માત થઈ ધીરે ધીરે.

શ્વાસોની ધડકન રંગોલી સજાવે;

મૃત્યુની નવી ભાત થઈ ધીરે ધીરે.

( દિનકર સોની )

2 thoughts on “ધીરે ધીરે – દિનકર સોની

  1. pranay ni saruat thai dhire dhire ???????????????
    mrutyuni navi bhat thai dhire dhire???????????
    AA PRANAY ANDE MRUTU NO UNT KETLI
    SARAS REETE KARYO. Aabhar.
    Comment By:::
    Chandra.

Leave a Reply

Your email address will not be published. Required fields are marked *