મજા શી-રિષભ મહેતા

આભ જો વરસી પડે ; એમાં મજા શી?

સામટું કંઈ પણ મળે ; એમાં મજા શી?


અર્ચના હો, યાચના હો, હો બળાપો

જો દુઆ તુર્ત જ ફળે ; એમાં મજા શી?


એક દીવો હોય ખૂણામાં સળગતો

સો સિતારા ઝળહળે ; એમાં મજા શી?


હોય તારે ઘેર પણ અજવાસ એનો,

દીપ મારે ત્યાં બળે ; એમાં મજા શી?


થાય તો કર ભોંય ભેગી આ દીવાલો

એક બે ઈંટો પડે ; એમાં મજા શી?


કોક પોતીકું ય થઈ જાયે પરાયું

દુશ્મનો કેવળ છળે ; એમાં મજા શી?


હું તને શોધ્યા કરું ; શોધ્યા કરું બસ

સહેજમાં જો તું મળે ; એમાં મજા શી?


( રિષભ મહેતા )

3 thoughts on “મજા શી-રિષભ મહેતા

  1. Majashee is aslo good

    કો’ક પોતીકું ય થઈ જાયે પરાયું

    દુશ્મનો કેવળ છળે ; એમાં મજા શી?

    હું તને શોધ્યા કરું ; શોધ્યા કરું બસ

    સહેજમાં જો તું મળે ; એમાં મજા શી?

    ( રિષભ મહેતા )

  2. હું તને શોધ્યા કરું ; શોધ્યા કરું બસ
    સહેજમાં જો તું મળે ; એમાં મજા શી?

    એક સામટું મળે કંઇ એમા શી મજા ? સુંદર ભાવ..હું કવિતા વાંચતો નથી, માણતો હોઉં છું.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.