http://heenaparekh.com/2008/12/03/nathi-aavy/
એને નમન જે તળમાં સમજીને નથી આવ્યું.
પરબારું આવ્યું જે એ અટકીને નથી આવ્યું.
કાગળ-કલમથી એને પોંખીને વધાવી લ્યો,
આ વાદળું તો ક્યાંયે વરસીને નથી આવ્યું.
આવ્યું છે નેક નિય્યત ને અડગ ઈરાદાથી,
અસ્તિત્વ તારા છળમાં લપસીને નથી આવ્યું.
આ સ્મિત છે જે રૂપો બદલીને છેતરે છે,
આંસુ કદીયે વાઘા બદલીને નથી આવ્યું.
મુફલિસ હો કે તવંગર તારી આ બજારેથી
કોઈ નથી જે ખુદને ખરચીને નથી આવ્યું.
અશરફ લિબાસ એવો પહેરીને ફરે છે કે,
સપનું હજી તો જેનું દરજીને નથી આવ્યું.
( અશરફ ડબાવાલા )
One Comment
કાગળ-કલમથી એને પોંખીને વધાવી લ્યો,
આ વાદળું તો ક્યાંયે વરસીને નથી આવ્યું.
Very Nice…Really