મારી કોટડીમાં

મારી કોટડીમાં સામાન ઘણો.

એક ખૂણે મારો પ્રેમ ભર્યો છે

એક ખૂણે અભિલાષા.

એક ખૂણે ધિક્કાર ભર્યો છે

એકમાં ઘોર નિરાશા.

બાળપણાની શેરી લઈ પેલી

ભરી છે આખી ને આખી

યૌવનના કંઈ બાગબગીચા

પ્રીતડીઓ વણચાખી.

ભર્યો છે હાસ્ય ને રુદન,

સાથે ઝોળો સુખદુ:ખ તણો,

મારી કોટડીમાં સામાન ઘણો.

પાર વિનાની ભૂલ પડી છે

કોઈના કંઈ ઉપકારો.

ઓસરતા ભૂતકાળની મૂર્તિ

ભાવિના કૈંક ચિતારો.

સર્જનનો ઈતિહાસ ભર્યો છે

ભૂગોળ ખગોળ ભેળો.

લેશ જગ્યા નહિ મુજ માટે

ઊભરાયો છે વ્યર્થનો મેળો.

બંધ આ મારાં દ્વારની પાછળ,

વધ્યો કોટિ કોટિ ગણો,

મારી કોટડીમાં સામાન ઘણો.

( નિનુ મઝુમદાર )

3 thoughts on “મારી કોટડીમાં

  1. very good

    Donate both & Be fresh

    એક ખૂણે ધિક્કાર ભર્યો છે

    એકમાં ઘોર નિરાશા.

  2. kacharano karo garaage sell ane saarane muko ebay par..je thoda paisaa aave tenu kari naakho will moTu
    saamaan vadharyaa karsho to ek din nikalavu padashe Tenta bahaar pela aarab jevu

    Just kidding..

    Sundar kavita

Leave a Reply

Your email address will not be published. Required fields are marked *