સાથ લીધી એ ગઠરી

સાથ લીધી એ ગઠરી;

કોઈ કહે માયાનું ઘર ને

કોઈ કહે, ઘરવખરી!

વળગો તો એ વધે વજનમાં,

અળગા તો એ ખાલી!

ગાંઠો બાંધો કસી કસીને,

સાચવવાની ઠાલી!

સહજ રાખવો સંબંધ એવી

વાત કહે છે ખબરી;

સાથ લીધી એ ગઠરી.

શ્વાસે શ્વાસે નથી લખ્યું કે

જાવું કયા સરનામે?

આખ્ખું આ ઘટનાલય ચાલે

અંજળ સરખા ગામે.

સુખોય ક્યાં સાચુકલાં મળતાં,

પીડાય છે અધકચરી:

સાથ લીધી એ ગઠરી.


( ગિરીશ ભટ્ટ )

4 thoughts on “સાથ લીધી એ ગઠરી

  1. vaah

    શ્વાસે શ્વાસે નથી લખ્યું કે

    જાવું કયા સરનામે?

    આખ્ખું આ ઘટનાલય ચાલે

    અંજળ સરખા ગામે.

    khuba ja saras

  2. jaavu kya sarname ? Aakhuu aa ghatnalay chale
    anjal sarkha gaame ..
    sukhoy kya saachukala malta,
    PEEDAY CHHE ADHKACHRI :
    saath lidhi e gathhari……WAH GEERISHBHAI
    KAMAL NI CHHE KAVEETA.

Leave a Reply

Your email address will not be published. Required fields are marked *