કમાણી

ભોજો ભરવાડ રોજેરોજ છેતરાય,

કિયે : હાલ્યા કરે, હોય;

દલો શેઠ રોજેરોજ બમણું કમાય,

અને કરે હાયવોય.

રાત પડ્યે ભોજો કાં તો ભજન ઉપાડે,

કાં તો ગણ્યા કરે તારા;

ઝીણી વાટે દલો કાં તો ચોપડો ઉઘાડે,

કાં તો ગોખ્યા કરે ધારા.

એક દી ઉલાડિયો કરીને આયખાનો,

સુખે હાલ્યો ગયો ભોજો;

દલા શેઠ માથે પડ્યો એક દી નફાનો

જાણે મણ મણ બોજો.

( મકરંદ દવે )

3 thoughts on “કમાણી

  1. Dear madam it’s avery good message for all us

    એક દી ઉલાડિયો કરીને આયખાનો,

    સુખે હાલ્યો ગયો ભોજો;

    દલા શેઠ માથે પડ્યો એક દી નફાનો

    જાણે મણ મણ બોજો.

Leave a Reply

Your email address will not be published. Required fields are marked *