તરફડતા શ્વાસની Jun17 તરફડતા શ્વાસની એકમાત્ર તૃષ્ણાને નામ જો હું આપું, તો તું. ટુકડે ટુકડે મારાં જોડાતાં સપનાંમાં, રંગોની છોળ ને, રંગોમાં લાલ રંગ તું. અડધી મીંચેલી મારી આંખોની આરપાર ઝલમલતો તડકો ને, તડકાનો ટુકડો – તે તું. અમથું જરાક તું સામે જુવે ને, પછી રગરગમાં દોડે જે ધગધગતો લાવા – તે તું. અડધા – અધૂરા બધા અસ્પષ્ટ લાગતા શબ્દો ખૂટે, ને પછી સાંપડે જે અર્થ તે જ… તું! ( કાજલ ઓઝા-વૈદ્ય ) Share this:SharePrintFacebookTwitterWhatsAppEmail
સુંદર કાવ્ય…ગીત જેવું ગુંજન અને પ્રવાહી લય.