આખી રાત

આખી રાત વરસ્યો વરસાદ

ને તોય મારું આયખું કોરું કટ્ટ

આંખોની પાંપણો રાહ જોઈ થાકી,

ને રોઈ-રોઈ થાકી,

પણ તારો અણસાર જરાયે નહીં.


અંધારી રાત જાગી-જાગીને કાપી,

ને ઘૂંટી-ઘૂંટીને વાટી,

ને તોય રહ્યો ઓરસિયો કોરોકટ્ટ


ઉઘડે સવાર ને વેરાય તડકો,

તડકાના ફૂલો, ને ફૂલોનો તડકો

ખોબો ભરી અડાડું આંખે

ને ફૂલ બધાં બની જાય-

ઝાકળિયાં મોતી…


ને મોતી વેરાણાં છાતીના ચોકમાં,

ને તોય મારું આયખું કોરું કટ્ટ

રાત આખી વરસ્યો વરસાદ

ને તોય મારું આયખું કોરું કટ્ટ


( દુર્ગેશ ઉપાધ્યાય )

One thought on “આખી રાત

  1. ઉઘડે સવાર ને વેરાય તડકો,

    તડકાના ફૂલો, ને ફૂલોનો તડકો

    ખોબો ભરી અડાડું આંખે

    ને ફૂલ બધાં બની જાય-

    ઝાકળિયાં મોતી…
    nice WORDS! Enjoyed ! Thanks for the visit to Chandrapukar & your Comment.

Leave a Reply

Your email address will not be published. Required fields are marked *