રંગ મેંદીનો અને પાની તમારી,
શું પછી ચાલી છે મનમાની તમારી !
જંપવા દેતી નથી, બોલ્યા કરે છે,
વણકહેલી ગોઠડી છાની તમારી.
સોરઠી ધીંગી હવા, દરિયો પૂનમનો,
સ્પર્શ એ, ને એ મધુર બાની તમારી.
હા, તમે છો યાદ, કે ક્યાંથી ભૂલું હું,
યાદ છે એક્કેક જીદ નાની તમારી.
બસ ફરી આવો, બધું ચરણે ધરી દઉં,
એ જ ઠસ્સો, એ જ સુલતાની તમારી.
( અશ્વિન ચંદારાણા )
Namaskar,
Murabbi Heenaben, Ashwni Chandarana ne Ane tamneDHANYAVAD–Sultani Tamari mate…
Kusum………….
રંગ મેંદીનો અને પાની તમારી,
શું પછી ચાલી છે મનમાની તમારી !
Very romantic.