http://heenaparekh.com/2009/09/22/enu-smaran/
સહેજ અમથું બહાનું ને આવી ચડે એનું સ્મરણ-
એક ક્ષણ ખાલી, બીજી ક્ષણને અડે એનું સ્મરણ-
ભાર આખા ભવનો લઈને હું ભમું આ જગ વિશે
જ્યાં જઉં ત્યાં માર્ગમાં બસ આથડે એનું સ્મરણ-
મારી એકલતામાં એની એટલી વસ્તી સભર
સહેજ પણ જગ્યા થતામાં દડબડે એનું સ્મરણ-
જિંદગી સાથે જ ના-એ જીવ સાથે છે જડાયું
જીવ મૂંઝાતાં જરા આવી પડે એનું સ્મરણ-
કોઈ ઘટના, કોઈ વ્યક્તિ કે વળી વસ્તુ વિશે
ચિત્ત જ્યાં સંચાર કરતું ત્યાં જડે એનું સ્મરણ-
હું જ મારો સાથ છોડીને જઈશ ચાલ્યો કદી
ત્યાં સુધી તો જીવશે મારા વડે એનું સ્મરણ-
એ નથી-એના વિશેની વારતા પ્રસર્યા કરે
ને સતત આંતર ચિતા શું ભડભડે એનું સ્મરણ-
( હેમંત દેસાઈ )
3 Comments
દડબડવું અને દડદવું – આ બે શબ્દોના અર્થમાં સૂક્ષ્મ ફરક છે. કવિ શેરમાં જે કહેવા માંગે છે એમાં દડબડે કરતાં દડદડે વધારે અભિપ્રેત હોય એમ લાગે છે…
sunder gazal.
smaranoni vaat aave etle kahu.
ચાંદની આ રાત, ભીંજાતા તડપતા એ ચકોર,
રૂપથી રૂપેરી નદી તારા જ સ્મરણો લાવશે…….સ્મરણો લાવશે
Sapana
હેમંત દેસાઈની રચનાઓનું ચિંતન અને બારીક નકશીકામ સ્પર્શી જાય એવું છે. ખૂબ સુંદર ગઝલ.