સમગ્ર જીવસૃષ્ટિ એક વર્તુળે ફર્યા કરે
કે બી મહીંથી વૃક્ષ થાય, વૃક્ષમાંથી બી ઝરે
.
તું બુદ્ધિ છે, તું ચિત્ત મહીં વિચાર થઈ હરે-ફરે !
તું સામ-દામ-દંડ-ભેદમાં રહીને વિસ્તરે !
.
ન નીંદ છે, ન જાગૃતિ, ન સ્વપ્ન, છે ન કલ્પના
સ્વયં થઈને બ્રહ્મ, સાધુ સાધનામાં જઈ સરે
.
તું શિલ્પ છે, તું શિલ્પી છે, તું ટાંકણું-હથોડી છે
છે વાર એટલી જ તું સ્વયં સ્વયં ને કોતરી
.
ન ઊછળે, ન ઊભરે, ન ઘૂઘવે, ન સૂસવે
સમુદ્ર સાવ મૌનભેર સ્વપ્નના રમ્યા કરે
.
નયન કોઈની વાટમાં બની ગયાં છે પર્વતો
સમગ્ર દ્રશ્ય – સૃષ્ટિ એ મહીંથી થૈ ઝરણ ઝરે
.
બધાથી પર થશે નહીં ન સ્થિરતાને પામશે
જે ધર્મ – અર્થ – કામ – મોક્ષ – વર્તુળે ફર્યા કરે
.
બધામાં સૌથી શક્તિશાળી જે હશે તે લઈ જશે
ઘણાય કાગડાની મીટ સ્થિર છે દહીંથરે
.
( અલ્પેશ કળસરિયા )
સરસ ……….
હેમંત વૈદ્ય
સરસ ……….
હેમંત વૈદ્ય
Nice Gazal. Aakhri sher is quite refreshing.
Nice Gazal. Aakhri sher is quite refreshing.