વાંકાબોલી આ તારી વરણાગી વાંસળી
લાગે છે એવી અળખામણી !
.
છાવરું છું એમ છતી થાય છે ઓ છેલ
મારા અંતરની છાનેરી લાગણી !
સૂરની તે સુંવાળી કેડીએ વ્હાલમાં
મ્હાલવાની મોજ મને આવે
ઘેરો ઘાલીને ઊભી લોકોની આંખ
મને તાકી તાકીને અકળાવે
આઘુંપાછું તે કાંઈ જોયા વિના
બધા આપે શી વાતની વધામણી ?
વાંકાબોલી આ તારી…
.
ગાયોના સાથ સદા હોયે ગોવાળિયો
ને ફૂલડાંની સાથે સુગંધ
તારી તે સંગ હોય હૈયાવીંધ વાંસળી
ને વાંસળીમાં વહેતો ઉમંગ
ગોપીની લાજ અને લોપે મરજાદ
કાળી ડંખે છે નિંદાની નાગણી !
વાંકાબોલી આ તારી…
.
( સુરેશ દલાલ )
સરસ
HAPPY JANMASTMI
hEMANT vAIDYA
સરસ
HAPPY JANMASTMI
hEMANT vAIDYA
bahu saras….Jai Shree Krishna
bahu saras….Jai Shree Krishna
vaah,vaah..enjoyed..
vaah,vaah..enjoyed..