શિર ઉપર તડકો ભલે ને ધોમ છે
ફૂલથી લથબથ ભીતરની ભોમ છે.
.
કોઈ પણ વાતે નથી એ માનતી
કામનાની શું હઠીલી કોમ છે.
.
આહુતિ સુખની સતત માંગ્યા કરે
આપણો અવતાર છે કે હોમ છે.
.
એટલે તો હોઉં છું મદહોશ હું
છે હવા સાકી ને શ્વાસો સોમ છે.
.
તોય ઈર્ષા બેઉ જગ કરતાં રહ્યાં
સાહ્યબીમાં તો અમારે ઓમ છે.
.
પાર એનો પામશું કેવી રીતે !
આંખમાં આખ્ખુંય ‘સાહિલ’ વ્યોમ છે.
.
( સાહિલ )
આહુતિ સુખની સતત માગ્યા કરે
આપણો અવતાર છે કે હોમ છે.
બહુ સરસ
આહુતિ સુખની સતત માગ્યા કરે
આપણો અવતાર છે કે હોમ છે.
બહુ સરસ
સુંદર રચના !
સુંદર રચના !
કવિશ્રી સાહિલની સુંદર ગઝલ લાવ્યા તમે….-અભિનંદન.
સુખની આહુતિવાળો શેર વધારે ગમ્યો.
જોકે આપણો અવતાર છે કે હોમ છે પછી પ્રશ્નાર્થચિહ્ન મૂકવું જોઇએ,મને એવું લાગે છે.
કવિશ્રી સાહિલની સુંદર ગઝલ લાવ્યા તમે….-અભિનંદન.
સુખની આહુતિવાળો શેર વધારે ગમ્યો.
જોકે આપણો અવતાર છે કે હોમ છે પછી પ્રશ્નાર્થચિહ્ન મૂકવું જોઇએ,મને એવું લાગે છે.