કોક ગમતું જણ મળે તો પણ ઘણું;
પ્રેમ એનો કણ મળે તો પણ ઘણું.
.
એમનાં પગલાં પડ્યાં જે ધૂળમાં;
એની કૈંક રજકણ મળે તો પણ ઘણું.
.
કેમ છો એવુંય પૂછે દુ:ખમાં;
એટલાં સગપણ મળે તો પણ ઘણું.
.
રેત રૂપે ક્યાંક તો મળવું થશે;
જીવવાને રણ મળે તો પણ ઘણું.
.
પ્રેમનાં કૈં પંખી ઊડી આવશે;
લાગણીનાં ચણ મળે તો પણ ઘણું.
.
સાંજનો આ સૂર્ય તો ડૂબી ગયો;
પાછું વળતું ધણ મળે તો પણ ઘણું.
.
( ફિલિપ ક્લાર્ક )
સુંદર રચના.
સુંદર રચના.
સુંદર રચના.
સ્રરસ અને સશક્ત અભિવ્યક્તિસભર ગઝલ.
સ્રરસ અને સશક્ત અભિવ્યક્તિસભર ગઝલ.