રાણાજી અમે મેવાડી મીરાંની નાતનાં
રાણાજી અમે ટહુકાતી પીડાની જાતનાં
.
આંખે ઊઘડે છે હવે સૂની સવાર
અને ડાળે ગુલાબ કેરો ગોટો
મંદિરની ઝાલરનાં મોતી વીણાય નહીં
લટકાવી કાનજીનો ફોટો
રાણાજી અમે ખળખળતાં ઝરણાંના પ્રાંતના
રાણાજી અમે મેવાડી મીરાંની નાતનાં
.
જંગલમાં જેમતેમ ઊગ્યા છે થોર
એમાં વાંસળીના સૂર કેમ ભાળું
ખુલ્લાં મેદાન મને તેડાવે રોજરોજ
ક્યાં લગ હું કહેણ એનાં ટાળું ?
રાણાજી અમે ટળવળતાં હરણાંને જાતનાં
રાણાજી અમે મેવાડી મીરાંની નાતનાં
.
ગઢ રે ગિરનાર તણી ટોચે ચડીને
અમે સળગાવ્યાં ઈચ્છાનાં તાપણાં
પાણી વચાળ રહ્યાં કોરા તે આજ
અમે પાણીને થઈ ગ્યાં અળખામણાં
રાણાજી અમે તરતા એક તરણાની ભાતનાં
રાણાજી અમે મેવાડી મીરાંની નાતનાં
.
( મધુમતી મહેતા )
સરસ ગીત…મજા આવી
અભિનંદન મધુમતીબેન..
સપના
સરસ ગીત…મજા આવી
અભિનંદન મધુમતીબેન..
સપના
સરસ ગીત…મજા આવી
અભિનંદન મધુમતીબેન..
સપના
very good geet written by DR.Madhumatiben
very good geet written by DR.Madhumatiben
મધુમતીબહેનમાં પણ મીરાંપણું પ્રમાણવા મળ્યું. સરસ ગીત.મેવાડના રાજમહેલમાં હોય તોય હૃદયના વૃંદાવનમાં તો મીરાંપણું ક્યાંક ટહુકતું જ હોય છે.
મધુમતીબહેનમાં પણ મીરાંપણું પ્રમાણવા મળ્યું. સરસ ગીત.મેવાડના રાજમહેલમાં હોય તોય હૃદયના વૃંદાવનમાં તો મીરાંપણું ક્યાંક ટહુકતું જ હોય છે.