કૈં જ ભુલાતું નથી એ એક સ્થાયી ભાવ પણ,
સાવ ભૂલકણા છીએ કરવો પડે દેખાવ પણ.
.
બાળકોની એમ બેત્રણ સાંજ છબછબિયાં કરે,
દોસ્ત ! એવી આંખમાં હંકારવાની નાવ પણ.
.
હોય બનવાનું બૂરું તો થાય છે બૂરું બધું,
પગ કપાયા કે તરત પૂરો થયો ઢોળાવ પણ.
.
દોસ્ત સૌ મોટા થવાની સાથ ઘર ભૂલી ગયા,
હું કઈ રીતે ભૂલું બચપણથી માથે દાવ પણ.
.
મન અટકચાળું છે મિસ્કીન સાચવી લે એ જ તું,
લોક તો બદનામ કરવા આપશે શિરપાવ પણ.
.
( રાજેશ વ્યાસ ‘મિસ્કીન’ )
very nice gazal….
very nice gazal….