થઈ જશે મોડું હવે જો સહેજ જાગીશું નહિ,
આજથી નક્કી કરીએ કાંઈ માગીશું નહિ.
.
માપદંડોનું ન પૂછો, આ વીતકની વાત છે;
સાગરો ઈચ્છાઓના ક્યારેક તાગીશું નહિ.
.
કર ભરોસો તું અમારી ચૂપકીદીનો, ને સમજ,
મૌન રહીશું, સૂર વગર ક્યારેય વાહીશું નહિ.
.
છો કલમ તૂટી જતી પણ નહિ કદી કરીએ નકલ,
એવી ખુદ્દારી-કોઈના જેવા લાગીશું નહિ.
.
આવશે એ ઘડીએ ઊભા હોઈશું સત્કારવા,
જિંદગી જીવ્યા છીએ એવી કે ભાગીશું નહિ.
.
( શોભિત દેસાઈ )
શ્રી શોભીત દેસાઈની મારી ગમતી રચના!!
સપના
શ્રી શોભીત દેસાઈની મારી ગમતી રચના!!
સપના
શ્રી શોભીત દેસાઈની મારી ગમતી રચના!!
સપના