http://heenaparekh.com/2010/12/28/e-halat-haji-aavi-nathi/
જોઉં ના કૈં ભેદ, એ હાલત હજી આવી નથી,
હો કશો ના ખેદ, એ હાલત હજી આવી નથી.
.
હું કરું છું યત્ન કે હો શબ્દ મારો સત્યવાન,
પણ વંદુ એ વેદ, એ હાલત હજી આવી નથી.
.
દર્દને બદલે વહે ત્યાં સૂર, જ્યારે પણ અહીં,
કોઈ પાડે છેદ, એ હાલત હજી આવી નથી.
.
તોય હો અહેસાસ બસ આકાશની હળવાશનો,
મુક્તિ કે હો કેદ, એ હાલત હજી આવી નથી.
.
કૈં ઘટે ત્યાં કોઈ પક્ષે હું મને જોતો ‘સુધીર’
જાત હો સાહેદ, એ હાલત હજી આવી નથી.
.
( સુધીર પટેલ )
