http://heenaparekh.com/2011/01/13/gazal-9/
જેટલું જે કાંઈ અણકથ મોકલું છું;
પહોંચતો મારા લગી પથ મોકલું છું.
.
શું વળી ઈતિ અને અથ, મોકલું છું
મૂળિયા સોતા મનોરથ મોકલું છું.
.
ઓળખાતાં કૈં જ ઓળખવું રહે ના,
પામવા જેવો પદારથ મોકલું છું.
.
એક પળનું પણ હવે છેટું ખપે ના,
મંત્ર ફૂંક્યા અશ્વનો રથ મોકલું છું.
.
કોણ જાણે શુંય ખેડાઈ ગયું છે,
ખેપ છે ખૂશ્બુથી લથબથ મોકલું છું.
.
એક એવી ધૂન છે “મિસ્કીન” મનને,
બસ, બધું લગે જથારથ મોકલું છું.
.
( રાજેશ વ્યાસ “મિસ્કીન” )
One Comment
કોણ જાણે શુંય ખેડાઈ ગયું છે
ખેપ છે ખુશ્બુથી લથબથ મોકલું છું…
સરસ રચના !
આભાર !