વાંચજે રેખા ઉકેલી મોકલું છું,
પત્રના બદલે હથેળી મોકલું છું.
.
સાંજ એ સૌને મઢેલી મોકલું છું,
લે ! ગઝલ તાજી લખેલી મોકલું છું.
.
ચોતરફ દોડે છે ઘેલી મોકલું છું,
તોરણો બાંધેલ ડેલી મોકલું છું.
.
બોલવા દેતી નહોતી જે જરાયે,
સાવ મૂંગી છે ચમેલી મોકલું છું.
.
જ્યાં વસું છું હું કોઈ દરવાન પેઠે,
લાગણીની એ હવેલી મોકલું છું.
.
( રાજેશ વ્યાસ “મિસ્કીન” )
બહુ સરસ ગઝલ। મત્લા તો આફરીન પોકારી જવાય એવો છે.
બહુ સરસ ગઝલ। મત્લા તો આફરીન પોકારી જવાય એવો છે.