ઝાંઝવાંમાં ઝંખનાઓ ખળભળે,
પ્રાર્થનામાં કામનાઓ ખળભળે.
.
રાહ જોતા તત્વને સંકોર, જો !
બીજમાં સંભાવનાઓ ખળભળે.
.
આંસુ છે, વરસાદ જેને માનીએ,
આભમાં સંવેદનાઓ ખળભળે.
.
કોઈને ભેટી કે ચૂમી ના શકે,
જે હૃદયમાં વંચનાઓ ખળભળે.
.
શબ્દને નોખી રીતે હું વાપરું,
શબ્દમાં છે વ્યંજનાઓ ખળભળે.
.
( દત્તાત્રય ભટ્ટ )
વાહ ભટ્ટજી….!
સરસ,
આધ્યાત્મભાવને ખૂબ સુંદર અને સરળરીતે વણ્યો છે ગઝલમાં.
બીજમાં સંભાવનાઓ ખળભળે….બહુ ગમ્યું.
વાહ ભટ્ટજી….!
સરસ,
આધ્યાત્મભાવને ખૂબ સુંદર અને સરળરીતે વણ્યો છે ગઝલમાં.
બીજમાં સંભાવનાઓ ખળભળે….બહુ ગમ્યું.
ઝાંઝવામાં ઝંખનાઓ ખળભળે
પ્રાર્થનામાં કામનાઓ ખળભળે …
ભટ્ટજીની ખૂબજ સુંદર ભાવવાચક રચના !
પસંદ આવી.
ઝાંઝવામાં ઝંખનાઓ ખળભળે
પ્રાર્થનામાં કામનાઓ ખળભળે …
ભટ્ટજીની ખૂબજ સુંદર ભાવવાચક રચના !
પસંદ આવી.