આ તો પ્રેમ છે, પ્રેમ છે, પ્રેમ છે રે,
કે પછી ખાલી અમથો એક વ્હેમ છે રે ?
.
ચાંદો રૂપાળો, તારા રૂપાળા ને આભલુંય રૂપાળું લાગે
જૂઈના મંડપ નીચે ઊભી રહું તો કોઈ ફૂલોનું વરદાન માગે !
.
ઓચિંતાનું કોઈ આવીને ધીમેથી કાનમાં કહે કે તને કેમ છે રે ?
આ તો પ્રેમ છે, પ્રેમ છે, પ્રેમ છે રે કે પછી ખાલી અમથો એક વ્હેમ છે રે ?
.
વાદળ વરસ્યું તો ભીતરમાં કોણ જાણે લાખ લાખ ઝરણાંઓ ફૂટ્યાં
ઉનાળે ધોમ ધોમ ધીખતા દિવસો સાગમટે જાણે કે ખૂટ્યા !
.
ઈન્દ્રધનુષ તો નભમાં ખીલ્યું ને બધું આંખોમાં રંગીન કેમ છે રે ?
આ તો પ્રેમ છે, પ્રેમ છે, પ્રેમ છે રે કે પછી ખાલી અમથો એક વ્હેમ છે રે ?
.
( લાલજી કાનપરિયા )
તમને શું લાગે છે???
તમને શું લાગે છે???