મને ડૂબતાને – સુરેશ દલાલ May29 મને ડૂબતાને કોઈ ક્યારે તારી શકો. ખૂબ થાક્યો છું થાકને ઉતારી શકો. . નહિ કહેવું ગમે, નહિ જોવું ગમે, નહિ હોવું ગમે, નહિ હસવું ગમે, નહિ રોવું ગમે. . કોઈ મારા આ થાકને સુવાડી શકો મને તાજા કોઈ ફૂલ જેમ ઉઘાડી શકો. . નથી ઊભા રહેવું, નથી ચાલવું જરી, આંખ સામેનો રસ્તો ભલે જાયને સરી. . કોઈ વેદનાને શબ જેમ ઉપાડી શકો કોઈ મારા આ થાકને સુવાડી શકો. . ( સુરેશ દલાલ )
વાહ !! ખુબ સરસ કવિતા છે.
કોઈ મારા પણ થાકને સુવાડી શકો…