૧૫.
હે ઈશ્વર,
હું સમજું છું કે
મારે અવનવા ને નવનવા પ્રયોગો કરવા હોય
તો અનેક અખતરામાંથી પસાર થવાનું જ છે.
.
મારી પ્રત્યેક ભૂલ
એ મારી કેળવણીનું એક પગથિયું છે,
તો મને મારી ભૂલોનો સ્વીકાર કરવાનું,
તેમાંથી નવું નવું શીખતાં રહેવાનું,
બાદ,
નવું નવું ડગલું ભરતાં રહેવાનું બળ આપ.
.
મારી ગફલતોને કારણે
હું નીચે પડતો આખડતો રહીશ
એ હું જાણું છું.
તેમ છતાં,
મને ફરી ને ફરી ઊભા થવાનું,
અને આગળ ડગલાં માંડતાં રહેવાનું કૌવત આપ.
જેથી કરીને
.
તેં મને બક્ષેલી મારી શક્તિઓનો
પૂરેપૂરો ઉપયોગ કરી શકું.
.
૧૬.
હે ઈશ્વર,
આજનો દિવસ મને
ઉત્તમપણે જીવવાનું બળ આપ.
.
મારી માગણી
સારાયે જીવન માટે નથી
આવતા મહિના માટે નથી
આવતા અઠવાડિયા માટે નથી
પણ
માત્ર આજના દિવસ પૂરતી જ છે.
તો
આજે મારા મનને
ગુણાત્મક વિચારોથી છલકાવી દેજે.
એવા એવા વિચારો કે જે
-મને સાચી દિશા તરફ વાળે.
-મને સાચા ડગ ભરવામાં સહાય થાય.
-મને સાચા નિર્ણયો કરવા પ્રેરે.
.
બસ,
આજનો દહાડો.
આજનો જ દહાડો.
તેં મને બક્ષેલી
શક્તિનો,
બુદ્ધિનો,
પ્રાવીણ્યનો,
કુશળતાનો
ઉત્તમોત્તમ ઉપયોગ કરી શકું
એટલું મને બળ આપ.
.
( શૈલા પંડિત )
હિનાબેન,
ખૂબજઊંડા સમજદારીના ભાવ સાથેની ઉત્તમ પ્રાર્થનારૂપી રચના…
હિનાબેન,
ખૂબજઊંડા સમજદારીના ભાવ સાથેની ઉત્તમ પ્રાર્થનારૂપી રચના…