પાંપણ ઉપર થીજી ગઈ છે જે ક્ષણો એ યાદ છે
જોયાં હતાં જે સોણલાં અકબંધ ને આબાદ છે.
.
એના કદમને રોકવા બેડી બનાવી યાદની
આંખો મહીં એ કેદ થૈ કેવા ફરે આઝાદ છે ?
.
આકાશને બાંધ્યું જરી સંબંધના મેં તાંતણે
ભીની થઈ આંખો અહીં ને ત્યાં થયો વરસાદ છે !
.
કાચા હશે જો કાન તો પડઘો નહીં પાડે કદી
પાછું ફરીને જોઈ લે કોને કર્યો તેં સાદ છે.
.
વાતો કરી આંબી જતા આકાશની ઊંચાઈને
એ લોકને પૃથ્વીતણાં પેટાળની ફરિયાદ છે.
.
( લક્ષ્મી ડોબરિયા )
પાંપણ ઉપર થીજી ગઈ છે જે ક્ષણો એ યાદ છે…યાદ બહુ ખરાબ વસ્તુ છે અને કદાચ એના જેટલું સારું કદાચ બીજું કઈ જ નથી…
પાંપણ ઉપર થીજી ગઈ છે જે ક્ષણો એ યાદ છે…યાદ બહુ ખરાબ વસ્તુ છે અને કદાચ એના જેટલું સારું કદાચ બીજું કઈ જ નથી…