ઉઘાડે પગે ન અમસ્તો ચમન તરફ દોડ્યો,
ઈજન વસંતે દીધું તો સુમન તરફ દોડ્યો !
.
બધા મુકામ નકામા થયા જો સાબિત તો,
વિહંગ-પાંખ સજી હું ગગન તરફ દોડ્યો !
.
પ્રગટતી આગ હતી દિલ મહીં કરુણાની,
ભડકતી રાખવા જ્વાળા પવન તરફ દોડ્યો !
.
કે મ્યાન કેમ ન તલવાર દુશ્મનોની હો ?
કલમ કરે ગ્રહીને હું કવન તરફ દોડ્યો !
.
જવાની ગઈ… ને ઠરી-ઠામ ના થવાયું તો,
ખભે ઉપાડી હું ઘડપણ વતન તરફ દોડ્યો !
.
કફન-દફન તણી ચિંતા નથી ‘સિકંદર’ને,
કે દેહ-દાન કરીને જીવન તરફ દોડ્યો !
.
( સિકંદર મુલતાની )
Good One.
Good One.