ખેલવાનું, હારવાનું ખૂબ કપરું હોય છે
જાતને સમજાવવાનું ખૂબ કપરું હોય છે
.
પોતપોતાનું મળે છે આભ તો સૌ કોઈને
પંખી માફક ઊડવાનું ખૂબ કપરું હોય છે
.
પૂર્ણમાંથી અલ્પ, પાછું અલ્પમાંથી પૂર્ણ પર
ચંદ્રગતિએ ચાલવાનું ખૂબ કપરું હોય છે
.
કાળું કાળું ઘટ્ટ અંધારું બધે વ્યાપેલું હો,
તે સમય અજવાળવાનું ખૂબ કપરું હોય છે
.
સાંજનો વૈભવ ગુલાબી નભમાં સુંદરતા ભરે,
તે સમેટી ડૂબવાનું ખૂબ કપરું હોય છે
.
( સંધ્યા ભટ્ટ )
જીંદગીની સચ્ચાઇ સમજાવતી ખુબ જ સરસ,અર્થસભર ગઝલ.
જીંદગીની સચ્ચાઇ સમજાવતી ખુબ જ સરસ,અર્થસભર ગઝલ.
જીંદગીની સચ્ચાઇ સમજાવતી ખુબ જ સરસ,અર્થસભર ગઝલ.