પહેલા તો એને ખોજ – કે તું તત્વ શું છે દોસ્ત !
સમજાશે આપમેળે – કે બુદ્ધત્વ શું છે દોસ્ત !
.
ભીતરથી વાંસ જેવો તું પોકળ થવા તો માંડ
જાણીને કરશે શું તું કે કૃષ્ણત્વ શું છે દોસ્ત !
.
પહેલા તો પાપ-પાપ વિભાજિત કરી લે – સહુ,
પૂછવું નહીં પડે પછી શુદ્ધત્વ શું છે દોસ્ત !
.
અસ્તિત્વ ખંડ-ખંડ બનાવ્યું છે કોણે દોસ્ત !
એ જાણશે તો જાણશે એકત્વ શું છે દોસ્ત !
.
ઈચ્છાના નખથી થાય ઉઝરડાઓ શ્વાસ પર
આના સિવાય બીજું તો વૃદ્ધત્વ શું છે દોસ્ત !
,
( પ્રમોદ અહિરે )
પ્રમોદભાઈની સુંદર સાદ્યંત ગઝલ..
પ્રમોદભાઈની સુંદર સાદ્યંત ગઝલ..
very nice..superb…
very nice..superb…
શ્રી પ્રમોદભાઈએ આધ્યમના રંગે રંગાયેલ અત્યંત સુક્ષ્મભાવની ગઝલમાં શબ્દે-શબ્દે ‘તત્વ’અને’સત્વ’ નિખાર્યું છે…..એમાંય અંતિમ શેરમાં આખી ગઝલ ટોચ પર પહોંચી.
બહુજ ગમી ગઝલ-અભિનંદન અને કવિના ગઝલના તમામ પાસાઓને ઉજાગર કરવાની આવડતને સો સો સલામ.
શ્રી પ્રમોદભાઈએ આધ્યમના રંગે રંગાયેલ અત્યંત સુક્ષ્મભાવની ગઝલમાં શબ્દે-શબ્દે ‘તત્વ’અને’સત્વ’ નિખાર્યું છે…..એમાંય અંતિમ શેરમાં આખી ગઝલ ટોચ પર પહોંચી.
બહુજ ગમી ગઝલ-અભિનંદન અને કવિના ગઝલના તમામ પાસાઓને ઉજાગર કરવાની આવડતને સો સો સલામ.
સારી છે.
સારી છે.