હું અનોખો માનવી છું મોતથી ડરતો નથી
જુલ્મ લાખો ભલે ને વરસે, જુલ્મથી ડરતો નથી
.
મુસીબતોની મઝા અનોખી માનવી જીવન મહીં
હર મુસીબતોને વધાવું પાછો ફરતો નથી
.
કંટકોથી દિલ્લગી છે, સંકટોનો સાથ છે
ગુલઝારની રંગીન ગલીઓમાં હું વિહરતો નથી
.
આરઝુ છે લાખ દિલમાં તોય રાખું સ્વસ્થતા
કલ્પનાઓના તરંગે, હું કદી તરતો નથી
.
વાસ્તવિકતાના ખડકથી ટક્કરો લઉં છું પણ
કાળ કેરી કયામતોથી હું કદી મરતો નથી
.
છું ‘કસુંબી’ મસ્ત માનવ, વેરું માનવતા સુવાસ
પાપ યા તો પુણ્ય કેરા હિસાબ હું કરતો નથી
.
( જયંત સચદે ‘કસુંબી’ )