તું એટલે તો ભર્યું ભાદર્યું ઘર,
ખાલી થયેલું નગર એટલે હું !
.
મંઝિલ તું ખુદ, શોધ તારી બધાને
રસ્તા વિહોણી સફર એટલે હું.
.
તું એટલે મારું હોવાપણું, ને –
‘હોવા’નો અંતિમ પ્રહર એટલે હું.
.
તુજ આંખ મંડાયેલી દૂર ને દૂર,
પાછી ઠેલાતી નજર એટલે હું.
.
મારા કબૂતર સમા શ્વાસ ઊડ્યા,
હું જાણે મારા વગર એટલે હું.
.
( મહેન્દ્ર ગોહિલ )
શ્રી મહેન્દ્રભાઈએ પ્રસ્તુત ગઝલમાં સરળ શબ્દોથી સુંદર વાતને અભિવ્યક્ત કરી, એમાંય
પાછી ઠેલાતી નજર એટલે હું…અને
‘હોવા’નો અંતિમ પ્રહર એટલે હું… આ બન્ને પંક્તિઓ બદલ ખાસ અભિનંદન…
જય હો..!
શ્રી મહેન્દ્રભાઈએ પ્રસ્તુત ગઝલમાં સરળ શબ્દોથી સુંદર વાતને અભિવ્યક્ત કરી, એમાંય
પાછી ઠેલાતી નજર એટલે હું…અને
‘હોવા’નો અંતિમ પ્રહર એટલે હું… આ બન્ને પંક્તિઓ બદલ ખાસ અભિનંદન…
જય હો..!
તું એટલે હું…
તું એટલે હું…