નજર સામે તમન્નાનું પતન જોયું નથી જાતું
ખીલ્યાં પહેલાં જ એ ખરતું સુમન જોયું નથી જાતું
.
બુઝાવી નાખવા દોડ્યો મૂકીને મોહ જીવનનો
પતંગાથી શમા કેરું જલન જોયું નથી જાતું
.
જરા જોયું જો તેજસ્વી, તુરત એ છેનવી લે છે
ગગનવાળાથી ધરતીનું રતન જોયું નથી જાતું
.
તમારી લાગણીને હું ભલા ! કઈ રીતની સમજું ?
ખુશી જોઈ નથી જાતી, રુદન જોયું નથી જાતું !
.
ગ્રહણ આ ચંદ્ર ફરતું ક્યાં સુધી રે’શે ભલા ‘નાઝિર’
હવે મુજથી વદન પરનું ગવન જોયું નથી જાતું
.
( નાઝિર દેખૈયા )
સરસ રચના…
સરસ રચના…