..
….
સ્મિત કાળું કે ધોળું ન હોય…
સ્મિત રંગીન હોય, મેઘ-ધનુષી હોય, સ્વપ્ન રંગે રંગેલું જ હોય,
સ્મિત સાવ અમસ્તું ન હોય…
સ્મિત ધારદાર હોય, સ્મિત આરપાર હોય, સ્મિત દાતરડાં જેવું જ હોય,
સ્મિત કાળું કે ધોળું ન હોય…
.
સ્મિત આંખોમાં છે, સ્મિત છાતીમાં છે, લટ વિખેરાય છે એ’ય સ્મિત છે,
તું મલકે ને લીલેરો કોલ ધબકે, સખી, હોવાપણાંની એ જીત છે,
સ્મિત સાચું કે ખોટું ન હોય…
સ્મિત સંગીન હોય, સ્મિતમાં’ય દિલ હોય, સ્મિત સાવ સાચું સોનું જ હોય,
સ્મિત કાળું કે ધોળું ન હોય…
.
ઉઘડતી કળીઓને જરા પૂછી જુઓ કે તારી પાંદડીઓ હસતી’તી કેમ ?
સૂરજની સાક્ષીએ જાળવ્યો છે કેમ તે ઝાકળ અડી ગ્યાંનો વ્હેમ ?
સ્મિત અરધું કે અઘરું ન હોય…
જેને સમજે બધાય એવી બોલી છે એ, સ્મિત સહજ ન સ્હેલું જ હોય,
સ્મિત કાળું કે ધોળું ન હોય…
.
સ્મિત એવી જણસ તો નથી કે એ આવીને હોઠોમાં સચવાઈ જાય,
કોઈ ગાલ પર સ્મિતનો ટશિયો ફૂટે ને ત્યારે ‘ખમ્મા’ જ બોલાઈ જાય,
સ્મિત ખાટું કે મોળું ન હોય…
સ્મિત સ્વાદિષ્ટ હોય, સ્મિતમાં ઈશ હોય, સ્મિત મધથી’ય મીઠું જ હોય.
સ્મિત કાળું કે ધોળું ન હોય…
.
( અલ્પેશ ‘પાગલ’)
Beautiful Description of Smile with Lovely Snap. Love You So Very Much for this.
Beautiful Description of Smile with Lovely Snap. Love You So Very Much for this.
હિનાબેન,
જેવું સ્મિત આપ્યું તેવીજ સુંદર રચના શેર કરવા બદલ ધન્યવાદ ! હકીકત એ છે કે સ્મિત સ્મિત છે, જે કરી શકે તે જાણે …!
હિનાબેન,
જેવું સ્મિત આપ્યું તેવીજ સુંદર રચના શેર કરવા બદલ ધન્યવાદ ! હકીકત એ છે કે સ્મિત સ્મિત છે, જે કરી શકે તે જાણે …!