.
તું આવે કે ના’વે, હવે બધુંયે વ્યર્થ છે
કદાચ તું બોલાવે, હવે બધુંયે વ્યર્થ છે.
.
જળમાં મારો ડૂબકી ને જગત થૈ જાય ગુમ
કોણ પછી સાંભળશે પાડો તળિયે જઈને બૂમ ?
.
મનને શીદ ભરમાવે ? હવે બધુંયે વ્યર્થ છે
તું આવે કે ના’વે, હવે બધુંયે વ્યર્થ છે.
.
અમે મૂરખ કે ફૂલને બદલે સુગંધ ચૂંટવા બેઠાં
રામ નહીં આરોગે હવે શબરીનાં બોર એઠાં !
.
નાહક ફૂલ બિછાવે, હવે બધુંયે વ્યર્થ છે
તું આવે કે ના’વે, હવે બધુંયે વ્યર્થ છે.
.
તું ઊભી છે તારે ખેતર, હુંય મારે ખેત
ધરતી પર વરસાવે ગગન લીલું હેત !
.
તું રૂમાલ છો ફરકાવે, હવે બધુંયે વ્યર્થ છે
તું આવે કે ના’વે, હવે બધુંયે વ્યર્થ છે.
.
( લાલજી કાનપરિયા )
લાલજીભાઈ ની આ રચના દ્વારા તે સુંદર વાત કહે છે, આપણા જીવનમાં પણ આવું ઘટતું હોઈ છે જ્યારે એક સમય એવો આવે છે કે બધું વ્યર્થ લાગે… સુંદર રચના !
લાલજીભાઈ ની આ રચના દ્વારા તે સુંદર વાત કહે છે, આપણા જીવનમાં પણ આવું ઘટતું હોઈ છે જ્યારે એક સમય એવો આવે છે કે બધું વ્યર્થ લાગે… સુંદર રચના !
શું ખરેખર હવે બધુંય વ્યર્થ છે?
શું ખરેખર હવે બધુંય વ્યર્થ છે?
શું ખરેખર હવે બધુંય વ્યર્થ છે?