.
લે મફતમાં હું તને ગુલઝાર પર ગુલઝાર આપું
પણ કહી દે, કેટલી ફોરમ તને ઉધાર આપું !
.
શ્વાસનો આ મહેલ ને ચોપાટ માંડી ભવ્ય છે તો
જીત મેં દીધી ઘણી, લે હાર છેલ્લી વાર આપું
.
મીણનો ઘોડો ગમે ત્યારે પીગળવાનો, લખી લે
ઓગળી ગઈ છે લગામો, એટલો અણસાર આપું
.
કાયમી તો કોઈને દીધી નથી મેં કોઈ દી
પણ જરૂરી હોય ત્યારે હું તરસ પળવાર આપું
.
રણ કહે તો રણ અને પગલાં કહે તો એય દઈ દઉં
થાય એનાથી વધુ લાંબી કરી વણજાર આપું
.
( સુરેન્દ્ર કડિયા )
સુંદર રચના !
સુંદર રચના !
બરાબર છે…
બરાબર છે…