.
ભીનાશ લઈને નીકળ્યો છું સાવ સુક્કા શહેરમાં,
લીલાશ લઈને નીકળ્યો છું સાવ સુક્કા શહેરમાં.
.
આબોહવા સંબંધની જ્યાં તંગ કાયમ હોય છે,
ઢીલાશ લઈને નીકળ્યો છું સાવ સુક્કા શહેરમાં.
.
જ્યાં ધર્મ જેવા ધર્મ નામે રોજ ઘર્ષણ થાય છે,
ચીકાશ લઈને નીકળ્યો છું સાવ સુક્કા શહેરમાં.
.
અંધાર જ્યાં વરસે સતત ત્યાં આગિયાની હામથી,
દીવાશ લઈને નીકળ્યો છું સાવ સુક્કા શહેરમાં.
.
નિષ્પ્રાણ થઈને મૂલ્યનિષ્ઠો હોઠ સીવી જાય છે,
તીખાશ લઈને નીકળ્યો છું સાવ સુક્કા શહેરમાં.
.
( દત્તાત્રય ભટ્ટ )