.
રોજની અફવા વિશે મારે કશું કહેવું નથી,
કોઈ પણ ઘટના વિશે મારે કશું કહેવું નથી.
.
હોય જો દ્રષ્ટિ રજે રજમાં ખુદા દેખાય છે,
નામ સરનામા વિશે મારે કશું કહેવું નથી.
.
કોણ જાણે ક્યાં પૂરો થાતો હશે કોને ખબર,
કોઈ પણ રસ્તા વિશે મારે કશું કહેવું નથી.
.
પોત મારું ક્યાં સુધી પ્રગટી શકે તેની ફીકર,
કોઈ બીજાના વિશે મારે કશું કહેવું નથી.
.
દ્વાર ખુલ્લાં જો તમે રાખી શકો તો ઠીક છે,
બંધ દરવાજા વિશે મારે કશું કહેવું નથી.
.
આપને જો ઠીક લાગે તો જ દેજો દાદ પણ,
આ કવિતા વિશે મારે કશું કહેવું નથી.
.
આપણે ‘હમદમ’ હવે વિશ્વાસ કોનો રાખવો,
મારા પડછાયા વિશે મારે કશું કહેવું નથી.
.
( તુરાબ હમદમ )
mast
mast
ખૂબજ સુંદર મનનીય અને ભાવયુક્ત રચના !
ખૂબજ સુંદર મનનીય અને ભાવયુક્ત રચના !
Nice One.
Nice One.