.
દિવસ ઉથલાવતાં રહેવું, ખરેખર ખૂબ અઘરું છે,
ને રાતો વાંચતા રહેવું, ખરેખર ખૂબ અઘરું છે.
.
ઉપરથી લાગતું સ્હેલું ! ખરેખર ખૂબ અઘરું છે,
ભીતરથી જાગતાં રહેવું, ખરેખર ખૂબ અઘરું છે.
.
કોઈ માગે ને આપો કંઈ એ જુદી વાત છે, કિન્તુ
પ્રથમથી આપતા રહેવું, ખરેખર ખૂબ અઘરું છે.
.
સમય ધક્કા લગાવે, પૂર્વગ્રહ પગ ખેંચતા કાયમ
લગોલગ ચાલતા રહેવું, ખરેખર ખૂબ અઘરું છે.
.
નિરંતર ચાલવાની ટેવ છે શ્વાસોને, સારું છે !
નહીં તો જીવતા રહેવું ! ખરેખર ખૂબ અઘરું છે.
.
( ડો. મનોજ એલ. જોશી ‘મન’ )
Nice One.
Nice One.
સુંદર રચના !
સુંદર રચના !