.
રહેવા દે મને જંજાળથી હું માંડ છૂટ્યો છું;
ઘડીભર શૂન્ય થૈ વિચારથી હું માંડ છૂટ્યો છું.
.
મને જંગલ અને ઝાડી ભીતરથી સાદ પાડે છે;
મને જકડી જતા સંસારથી હું માંડ છૂટ્યો છું.
.
થયું કે બુદ્ધની માફક સદા નિર્લેપ થૈ જાઉં,
હૃદય બાળી જતા અંગારથી હું માંડ છૂટ્યો છું.
.
બનીને અજનબી દેશે મને વિહાર કરવા દો;
જગતના ખોખલા વહેવારથી હું માંડ છૂટ્યો છું.
.
બધીયે કાળની ગણના બની બેકાર જીવનમાં,
અનોખા અંકના સુમારથી હું માંડ છૂટ્યો છું.
.
( આહમદ મકરાણી )
સુંદર રચના !
સુંદર રચના !
સુંદર રચના !
આ મને બહુ ગમી મારા થી જોડાયેલી છે ક્યાંક
આ મને બહુ ગમી મારા થી જોડાયેલી છે ક્યાંક