.
૧.
ખરાં છો તમે !
નહીં કામ, નહીં કાજ
ને તોય અંધારે અંધારે ઊઠી જાવ છો,
-માત્ર ગાવા જ !
.
૨.
પંખીઓ કવિતા જેવાં છે :
ચાલે છે ઓછું, ઊડે છે ઝાઝું !
,
૩.
વૃક્ષો ને ઈમારતો વચ્ચેનો
ભેદ
ભૂલી જવા લાગેલાં
આ પંખીઓ !
.
૪.
આ પંખીઓ
ઊડવાનું બંધ કરી દે
તો શું થાય !
આકાશવાણીનો
સંદેશવ્યવહારનો
આખો કાર્યક્રમ જ રદ થઈ જાય !
.
૫.
પંખીઓ !
એકાદ દિવસ માટે તો મને
તમારો કંઠ, તમારી પાંખો આપો-
ભાષાથી
તરડાઈ ગયો છે મારો કંઠ
માટીથી
ખરડાઈ ગયા છે મારા પગ.
.
( જયન્ત પાઠક )
હિનાબેન,
ખૂબજ સુંદર તસ્વીર આપે લીધી છે. સારા તસ્વીરકાર હો તેમ જણાય છે. !
હિનાબેન,
ખૂબજ સુંદર તસ્વીર આપે લીધી છે. સારા તસ્વીરકાર હો તેમ જણાય છે. !
” પંખીઓ,
એકાદ દિવસ માટે તો મને
તમારો કંઠ,તમારી પંખો આપો,
ભાષાથી
તરડાઈ ગયો છે મારો કંઠ
માટી થી
ખરડાઈ ગયા છે મારાં પગ…”
ખુબજ સુંદર રજૂઆત…
” પંખીઓ,
એકાદ દિવસ માટે તો મને
તમારો કંઠ,તમારી પંખો આપો,
ભાષાથી
તરડાઈ ગયો છે મારો કંઠ
માટી થી
ખરડાઈ ગયા છે મારાં પગ…”
ખુબજ સુંદર રજૂઆત…