.
અસ્તિત્વને ખોયા વિના અત્તર થવાય ના,
ચાલીને કાંખઘોડીથી પગભર થવાય ના.
.
એ મારો પિંડ છે કે હું ઉત્તર બની શકું,
તું પ્રશ્ન છે, ને પ્રશ્નથી ઉત્તર થવાય ના.
.
પીવું અને પચાવવું એની કમાલ છે,
પીવાથી માત્ર ઝેર કંઈ શંકર થવાય ના.
.
ઓળખ અલગ અલગ છે અહીં પ્રત્યેક જીવની,
કોઈથી પણ કોઈની બરાબર થવાય ના.
.
આંગણ હો આપણું અને ઉત્સવ હો આપણો,
‘નાદાન’ પારકાને ત્યાં અવસર થવાય ના.
.
( દિનેશ ડોંગરે ‘નાદાન’ )
સરસ
સરસ
સુંદર રચના !
સુંદર રચના !
સરસ તો ખરી જ પણ સમજવા જેવી ગઝલ.
સરસ તો ખરી જ પણ સમજવા જેવી ગઝલ.