.
કંટકો કાપી બધે ગુલઝાર કર,
કષ્ટ આપી જાતનો ઉદ્ધાર કર.
.
ધર્મના વાડા ફગાવીને પછી,
તું સડેલી નાતને પડકાર કર.
.
વાડથી છૂટી પડે જો વેલ તો,
જિંદગીભરનો ખરો આધાર કર.
.
નાહજે તું રાતદિન પ્રસ્વેદથી,
હોંશથી સ્વપ્નાં બધાં સાકાર કર.
.
રોજ રસ્તો એક લેતાં જાનવર,
ચાલ, તું કેડી નવી સ્વીકાર કર.
.
થરથરે તારી નજરથી મોત પણ,
આંખથી એવી અમીની ધાર કર.
.
સિદ્ધિઓના વાવટા ફરક્યા કરે,
રોજ એવાં કામ બે-ચાર કર.
.
( જગદીશ સાધુ ‘પ્રજ્ઞેય’ )
સરસ
સરસ
સરસ
સુંદર અને મનનીય રચના !
સુંદર અને મનનીય રચના !