.
હરિ, તમારાં ચરણકમળ પર હું ઝાકળનું બિંદુ,
તમે કરો દ્રષ્ટિ તો બનું હું શરદ પૂનમનો ઈન્દુ.
.
ક્યારે રાત પડે-ની મારે કરવી પડી પ્રતીક્ષા,
સૂર્ય ઊગે તે પહેલાં મેં પણ પૂરી કરી પરીક્ષા
ઝમ્યું કમળદળ પર હું-જાણે મોતી મઢેલો સિંધુ…
હરિ, તમારા…
.
મુજથી ભીનાં કમળપુષ્પને મળ્યાં તમારાં ચરણ,
ધન્ય થયો અવતાર ને મારું પલળ્યું અંત:કરણ.
પળ બે પળનું આયખું મારું-જાણે ઊડ્યું પરિન્દુ !
હરિ, તમારા…
.
( ભગવતીકુમાર શર્મા )
ખૂબજ સુંદર ભાવરહિત રચના !
ખૂબજ સુંદર ભાવરહિત રચના !
સરસ
સરસ