ઘણાં કારણોસર પીડાયો છું હું
તમારી નજરમાં પરાયો છું હું.
.
અરીસા બધા એકસરખા નથી;
ફક્ત એક-બેમાં જણાયો છું હું.
.
બિછાવી હતી જાળ જળમાં તમે
ગગનગામી છું, પણ, ફસાયો છું હું.
.
બધાં પુષ્પ જ્યારે સુગંધિત થયાં
વસીને બગીચે, દબાયો છું હું.
.
ફરે ચાકડો આપમેળે અને
રમતવાતમાં આ રચાયો છું હું.
.
જનમ જેમ વ્હાલા મરણ ! જાણ તું
સ્વજના છું, સગો છું, માડી જાયો છું હું.
.
નથી યાદ ‘ઈર્શાદ’ કરવું કશું
બરફ પણ અડે તો દઝાયોછું હું.
.
( ચિનુ મોદી )
તમારી દરેક કવિતા ખૂબ સુંદર અને શિખવા મડે એવી હોય soo good
I do not english to much & do not know how to type in gujrati so unable to write commet on morpich.I like morpichh kavita gazal & geeto.