કરીને બંધ ઘરનાં દ્વાર બેઠા છો તમે શાને,
સહજમાં કેમ માની હાર બેઠા છો તમે શાને.
.
અરીસો સાવ સૂનો આજ પૂછે છે હવે એવું.,
બનીને આમ નિરાધાર બેઠા છો તમે શાને.
.
જીવનમાં જીત ને આ હાર બદલાતી રહે કાયમ,
કરો બસ સ્વપ્નને સાકાર બેઠા છો તમે શાને.
.
પ્રણયમાં જાતને ઓગાળવાનું પણ જરૂરી છે,
સમય તલવારની છે ધાર બેઠા છો તમે શાને.
.
ફળે છે ભાગ્ય એનું જે કરે છે ચાહ મંઝિલની,
કરો મક્કમ હવે નિર્ધાર બેઠા છો તમે શાને.
.
( હરીશ પંડ્યા )
સુંદર રચના !
સુંદર રચના !