બાળકને બાળક રહેવા દો
બચપણ ઉપર હક રહેવા દો
એની રીતે મોટું થાશે
એને માટે તક રહેવા દો… !
હું છું સીધો સાદો માણસ,
ચમક દમક રોનક રહેવા દો
થોડામાં પણ હું તો રાજી
આ ખુશીઓ અઢળક રહેવા દો.
બમણાવેગે વધીશ આગળ
ટીકા બધી ક્ષુલ્લક રહેવાદો
પ્રશંસકોની સાથે સાથે
સમજદાર નિંદક રહેવા દો… !
ચોમાસું આવે ના આવે
આંખોમાંચાતક રહેવા દો
કોઈને તો રસ્તો મળશે
રસ્તામાં દીપક રહેવા દો… !
હોય ભલે નાનો કે નબળો
મારામાં સર્જક રહેવા દો…
ગઝલને જોતા ‘વાહ’ કહી દે
એવો એક ચાહક રહેવા દો… !
( રિષભ મહેતા )
ખૂબજ સુંદર અને મનનીય રચના !
ખૂબજ સુંદર અને મનનીય રચના !
ખૂબજ સુંદર અને મનનીય રચના !
jay shree krishna
jay shree krishna