તૂટ્યો મ્હારો તંબૂરાનો તાર, ભજન અધૂરું રે
રહ્યું ભગવાનનું…
.
એક તૂટ્યા બીજા રે તાર અસાર છે,
જીવાળીમાં નહિ હવે જીવ જી :
પાસ પડ્યા પોચા રે નખલિયું નામનું…
તૂટ્યો મ્હારો…
.
તરડ પડી છે રે બાતલ તુંબડે,
લાગે નહીં ફૂટિ જતાં વાર જી :
ખૂંટીનું ખેંચાવું રે કાંઈ ન કામનું…
તૂટ્યો મ્હારો…
.
સ્વર મેળવિયે શેમાં રે તાલ બેતાલ છે,
ઢોલકમાં પણ કાંઈ ન ઢંગ જી :
બંધ થયું છે બારું રે હરિરસ પાનનું…
તૂટ્યો મ્હારો…
.
ખર્ચી હવે ખૂટી રે બૂટી હવે બીજી નથી,
હરિ હવે ઝાલો તમે હાથ જી :
કહું છું કામ ન મ્હારે રે ધનજનધામનું…
તૂટ્યો મ્હારો…
.
કેશવ હરિની કરણી રે કોઈ ન જાણી શકે,
વાણી મન પાછાં વળી જાય છે :
બલ ચાલે નહિ એમાંરે મહા બલવાનનું…
તૂટ્યો મ્હારો…
.
( કેશવલાલ હરિરામ ભટ્ટ )
saras.vastvik vaat kahevani chhe.pan aapne samjata nathi.
saras.vastvik vaat kahevani chhe.pan aapne samjata nathi.
saras.vastvik vaat kahevani chhe.pan aapne samjata nathi.